تصدرت مؤشرات البحث على جوجل فى الساعات الأخيرة، بعد انتشار شائعة وفاتها، وردت النجمة الكبيرة على تلك الشائعة من خلال مداخلة هاتفية، ببرنامج كلمة أخيرة الذي تقدمه لميس الحديدي.
وقالت ليلى: أنا زي الفل بس الناس مش مقتنعة، ومش أول مرة تحصلي، حصلت قبل كده 3 أو 4 مرات، وزمان كنت بتضايق من الشائعات، لكن دلوقتي مابقتش أتضايق، وبقول دول هبل ومش عندهم حاجة يكتبوها، فيكتب أخبار وفاة، ولو صحفي المفروض يدقق ويلاقي حاجة يكتبها.
وتابعت: اللي لفت نظري اليوم هو قلق الناس عليا، لفت نظري حب الناس اللي متعرفنيش في الشارع، وفي كل مكان وبحثهم عن رقمي علشان يطمنوا عليا ولقيت الناس هجموا عليا في نادي الجزيرة، وكأنهم شافوني أول مرة قعدوا يحضنوني ويبوسوني، ويشتموا في اللي كتب الخبر.
وواصلت: لم أتنازل بقبول أدوار لا تليق بتاريخي الفني الذي أعتز به والناس كمان بتعتز بيه ولغاية النهاردة بيكلموني على تاريخي وأعمالي، ولحد دلوقتي مش لاقية حاجة نفس المستوى، يمكن المرحلة العمرية اختلفت ونوع الفن اتغير لكن مش هعمل حاجة أقل من اللي فات أبدا.
وعن الأعمال المحببة لقلبها قالت: زوج في إجازة، وفيلم الأيدي الناعمة، وصلاح الدين، وهاملت، وأشياء كثيرة قدمتها مش عارفة أقول إيه ولا إيه.