متابعة فريق منتصف اليوم
لقطة مهمة للمشرف العام لبوابة الجمهورية الثانية ، إبراهيم عكاشة، اقتنصناها من على حسابه على موقع الفيس بوك، دون أن يدرى، لأنه بالفعل جزء مهم من إدارة مراكز الدراسات الاستراتيجية والتصورات المخابراتية تعتمد على هذه الفكرة التى يستعرضها عكاشة، فيما يلى:
الصورة المرفقة لها إسقاط عميق جدا.الطبيعي اللي كل الناس تعرفه أننا بنروح حديقة الحيوان نتفرج ع الحيوانات ومقتنعين تماما بوجهة النظر دي.
إقلب الموقف وروح الناحية التانية وبص من وجهة النظر الأخرى.
تلاقي أن هي شايفة إحنا المحبوسين المكدسين وهي اللي حرة بتتفرج علينا.
عايز تقول ليه يا عم إبراهيم العميق؟
عايز أقولك قبل ما تحكم على أي حاجة، روح الناحية التانية وخد بصة ع السريع.ساعتها هتطلع حكم اقرب للواقع.
إتعلم دايما تروح الناحية التانية وتشوف الحكاية.
عايزك تقف كتير عند السطر الأخير دا. هيفكلك حاجات كتير أنت فاهمها غلط، وهتبدي تحل الأمور صح.
الرؤية الكاملة، تلت تربع الحل.
الرؤية من ناحيتك فقط ومصمم انها صح، هتخليك محلك سر ف كل مشاكلك.روح الناحية التانية، هتتفاجئ.