السيسى يكشف للرأى العام عن أزمة صعبة خلال حديثه للمزارعين: الأرز والقمح الذى تشتريه الحكومة منكم.. لم يصلنا منه إلا كميات بسيطة.. والدولة توزع الأرز على التموين وتنتج الخبز مدعوما.. وسنضطر للاستيراد!

متابعة- فريق منتصف اليوم

في أزمة صعبة كشفها الرئيس عبد الفتاح السيسى للرأى العام، خلال زيارته لقرية الأبعادية بمحافظة البحيرة، قال الرئيس، للمزارعين ، “الأرز اللي بشتريه منكم بيروح للتموين.. والتموين بيمس 70 مليون مصري، والمزارعين لما لقوا فرصة أحسن باعوه! .. رغم إني كنت باخد الأرز وأبيعه مدعم”.

وفيما يتعلق بالقمح، قال الرئيس: “الإنتاج في مصر ممكن يبقى 8 أو 9 أو 10 ملايين طن.. وحد يقولي أصل إحنا في ريف، عندنا القمح في البيت بنعمل بيه مناسبات.. اللى خدناه لحد الآن 3.5 مليون طن يبقى لسه في البيوت فيه 6.5 مليون طن، طب المخابز بتاعة الناس بتبيع للناس كلها، الرغيف بيتكلف 80 قرش وببيعه بـ5 قروش، وأنا مش باخده هبيعه بتمنه، لكن لو حد تاني خده هيتاجر فيه”.

وأكد الرئيس، أنه يحرص على ألا يقل الاحتياطي السلعي عن 5 و 6 أشهر، قائلا: “حرصنا على الاحتياطي مايقلش عن 5 أو 6 شهور، يعني رصيد الرز والقمح والزيوت واللحوم والدواجن ماتقلش عن 6 أشهر علشان ما تحصلش أزمة، وأنا كنت هاخد القمح بالسعر اللي قلت عليه وهديه للناس مدعم بـ5 قروش.

وأضاف: لو أنا النهارده مالقتش الطلب ده موجود في الـ10 ملايين طن اللى فى مصر، هضطر أشتري من بره والموضوع ده هيبقى له تأثير كبير على الأسعار في مصر بسبب الدولار.. كل ما يكون فاتورتي من الدولار في تزايد، سيكون هناك عبء على الاقتصاد”.